नेपालले T20 र T20I क्रिकेटमा बनाएका केही विश्व किर्तिमानहरु

नेपालले मंगोलिया विरुद्धको क्रिकेट खेलमा बनाएका केही विश्व किर्तिमानहरु:

खेल मिति: २०८० असोज १० (2023 Sept 27)

सर्वाधिक रन

नेपालले एसियन गेम्स 2023 मा मंगोलिया विरुद्ध 3 विकेटको क्षतिमा 314 रन बनाएर पुरुष टी-20 क्रिकेट इनिङ्समा विश्वकै सबैभन्दा धेरै रन बनाउने टिम बनेको छ। यस अघि T20 क्रिकेटको उच्चतम स्कोर वा रन 278 थियो, जुन अफगानिस्तानले 2019 मा आयरल्याण्ड विरुद्ध, र चेक गणतन्त्रले टर्की विरुद्ध 2019 मा बनाएको थियो। यो नेपालले बनाएको रन पुरुष T20 अन्तर्राष्ट्रिय स्तरमा पनि अहिले सम्मकै सर्वाधिक रन हो।

सबैभन्दा कम बलमा शतक

नेपालका कुशल मल्लले जम्मा 34 बलमा 100 रन वा शतक पुरा गरी सबैभन्दा कम बलमा छिटो शतक पुर्याउने खेलाडीको किर्तिमान राखेको हो। यसअघि 35 बलको कीर्तिमान साउथ अफ्रिकाका डेभिड मिलर, भारतका रोहित शर्मा र चेक रिपब्लिकका सुदेश विक्रमसेकराको नाममा रहेको थियो ।

सबैभन्दा कम बलमा अर्धशतक 

नेपालका दीपेन्द्र सिंह ऐरीले 9 बलमा अर्धशतक (50 रन) प्रहार गरी किर्तिमान राखेका हुन्। जसमा शुन्य चौका सहित आठ छक्का प्रहार गरेका हुन्। यस अघि यो किर्तिमान 12 बलमा संयुक्त रूपमा युवराज सिंह, क्रिस गेल र हज्रातुल्लाह जजई को हातमा थियो।

सर्वाधिक रन अन्तरले विजयी 

मंगोलिया विरुद्धको खेलमा नेपालले 273 रनको अन्तरले जित हासिल गर्दै टी-20 मा उच्चतम मार्जिन विनको किर्तिमानी राखेको हो। यसअघिको सबैभन्दा ठूलो अन्तरले चेक रिपब्लिकले 2019 मा टर्की विरुद्ध 257 रनको जित हासिल गरेको थियो।

उच्चतम स्ट्राइक रेट

दीपेन्द्र सिंह ऐरीले 10 बलमा 52 रन बनाउँदा 520 स्ट्राइक रेट थियो। जुन हालसम्म T20 को इतिहासमा कुनै ब्याट्सम्यानले 10 वा सोभन्दा बढी बलको इनिङमा 500 भन्दा बढी स्ट्राइक रेट बनाउन सकिएको छैन। यसअघि उत्कृष्ट 2016 मा जिम्बाब्वेको घरेलु टी–20 प्रतियोगितामा माटाबेलेल्याण्ड टस्कर्स विरुद्ध 10 बलको इनिङ्समा माल्कम वालरको 430 को स्ट्राइक रेट थियो।

एकै खेलमा सर्वाधिक छक्का प्रहार 

नेपालका ब्याट्सम्यानहरुले एकै खेलमा 26 छक्का प्रहार गरी टी-20 अन्तर्राष्ट्रिय क्रिकेट प्रतियोगितामा सबैभन्दा धेरै छक्का प्रहार गर्ने टिम बनेको छ। यस अघिको उच्चतम 22 छक्का थियो, जुन अफगानिस्तानले 2019 मा आयरल्याण्ड‌ विरुद्ध र यस वर्षको सुरुवातमा दक्षिण अफ्रिका विरुद्ध वेस्ट इन्डिजले बनाएका थिए। साथै 2018 मा अफगानिस्तान प्रिमियर लिगमा काबुल ज्वानान विरुद्ध बाल्ख लेजेन्ड का ब्याट्सम्यानले 23 छक्का प्रहार गरेको थियो। 

दोस्रो कान्छो ब्याट्सम्यान

कुशल मल्लले 19 वर्ष 206 दिनको उमेरमा शतक पुरा गरी पुरुषको T20I मा शतक बनाउने दोस्रो कान्छो ब्याट्सम्यान बने। सबैभन्दा कान्छो फ्रान्सका गुस्ताभ म्याकेन हुन्, जसले जुलाई 2022 मा 19 वर्ष पुग्नुअघि नै दुई शतक बनाएका थिए।

उच्चतम अनुपात (%)

अतिरिक्त (एक्स्ट्रा: Extras) मार्फत आएको रन मंगोलियाको कुल रनको 56.10% प्रतिशत हो जसमा 41 रनमा अलआउट हुँदा 23 रन एक्स्ट्रा थिए। यो पुरुषको T20I इनिङ्समा एक्स्ट्रा मार्फत आएको टिम रनको उच्चतम अनुपात हो (न्यूनतम: पाँच ओभर बोल्ड)। अघिल्लो उच्चतम चीनको लागि 34.62% थियो, जसमा यस वर्षको सुरुमा थाइल्याण्ड विरुद्ध आफ्नो 26 अलआउटको क्रममा 9 अतिरिक्त थिए। 

शतक प्रहार 

एसियन गेम्स मा कुशल मल्लको 137* रन बनाएका हुन्। यस अघि खालिद लतिफले 2010 मा पुरुष प्रतियोगिताको क्वार्टर फाइनलमा चीन विरुद्ध पाकिस्तानको लागि 103 रन बनाएका थिए।

✍️ उत्तर तामाङ्ग (Uttar Tamang)