लोकसेवा तयारी: ३०+ महत्वपूर्ण समसामयिक सामान्य ज्ञान (GK) प्रश्नोत्तरहरू

लोकसेवा आयोगको समसामयिक सामान्य ज्ञान (GK) खण्डका लागि अत्यन्त उपयोगी वस्तुगत प्रश्नोत्तरहरू

१

प्रश्न १: सन् २०२५ मा नयाँ कार बिक्रीको तथ्याङ्क अनुसार ७३ प्रतिशत इलेक्ट्रिक सवारी (EV) बिक्री गरी विश्वमा दोस्रो स्थान हासिल गर्ने राष्ट्र कुन हो?

उत्तर: नेपाल ।

नोट: ९७ प्रतिशत EV बिक्रीका साथ नर्वे विश्वमा पहिलो स्थानमा रहेको छ।

२

प्रश्न २: एकै सिजनमा (१५ दिनभित्र) ४ पटक सगरमाथाको सफल आरोहण गरी विश्व कीर्तिमान कायम गर्ने आरोही को हुन्?

उत्तर: ताशी ग्याल्जेन शेर्पा ।

नोट:

• उनले सन् २०२५ को वसन्त ऋतुमा मे ९, १४, १९ र २३ मा सगरमाथाको शिखरमा पुगेर यो कीर्तिमान बनाएका हुन्।

३

प्रश्न ३: केन्द्रीय तथ्याङ्क विभागको विवरण अनुसार नेपालकै सबैभन्दा उच्च गरिबी दर (७७.९ प्रतिशत) भएको स्थानीय तह कुन हो?

उत्तर: जुनीचाँदे गाउँपालिका, जाजरकोट ।

नोट:

• यो देशकै पहिलो गरिब पालिका बनेको छ।
• यस पालिकामा अति गरिब परिवार ६२ प्रतिशतभन्दा बढी रहेका छन्।

४

प्रश्न ४: वि.सं. २०८२ फागुन ३ गते नेपाली सेनाले कतिऔँ स्थापना दिवस मनाएको छ?

उत्तर: २६३औँ स्थापना दिवस ।

५

प्रश्न ५: विश्वको सबैभन्दा अग्लो नचढिएको (Unclimbed) हिमाल कुन हो?

उत्तर: गाङ्खर पुएनसुम (Gangkhar Puensum), ७,५७० मिटर ।

नोट: यो हिमाल भुटानमा अवस्थित छ। नेपालको हकमा नचढिएको सबैभन्दा अग्लो हिमाल माछापुच्छ्रे हो, जसको उचाइ ६,९९३ मिटर छ।

६

प्रश्न ६: टी-२० विश्वकपको इतिहासमा नेपालका लागि सर्वाधिक व्यक्तिगत स्कोर (५८ रन) बनाउने ब्याट्सम्यान को हुन्?

उत्तर: दिपेन्द्र सिंह ऐरी ।

नोट:

• उनले वेस्ट इन्डिजविरुद्ध ४७ बलमा ५८ रन (३ छक्का र ३ चौका) प्रहार गरेका थिए।
• ऐरी कुल १५१ रनका साथ टी-२० विश्वकपमा नेपालको तर्फबाट सर्वाधिक रन बनाउने खेलाडी समेत बनेका छन्।

७

प्रश्न ७: हालै संघीय संसदबाट पारित भएको नयाँ पर्यटन विधेयकले कुन विषयलाई विशेष प्राथमिकता दिएको छ?

उत्तर: पर्वतारोहण नियमन र फोहोर व्यवस्थापन ।

८

प्रश्न ८: विश्वका १४ वटा आठ हजार मिटरभन्दा माथिका हिमालहरू बिना अक्सिजन आरोहण गर्ने पहिलो महिला को हुन्?

उत्तर: हे जिङ (He Jing), चीन ।

९

प्रश्न ९: सन् २०२६ फेब्रुअरी १५ मा घोषणा गरिएको ७८औँ बाफ्टा (BAFTA) अवार्डमा 'उत्कृष्ट चलचित्र' को उपाधि कुन चलचित्रले पायो?

उत्तर: कन्क्लेभ (Conclave) ।

१०

प्रश्न १०: १७ वर्षको निर्वासनपछि स्वदेश फर्केर बङ्गलादेशको संसदीय निर्वाचनमा जित हासिल गर्ने नेता को हुन्?

उत्तर: तारिक रहमान ।

११

प्रश्न ११: चीनले सन् २०२६ फेब्रुअरी १७ देखि कुन–कुन देशका साधारण राहदानी धारकहरूलाई भिसा–मुक्त (Visa-free) नीति विस्तार गर्ने निर्णय गरेको छ?

उत्तर: क्यानडा र बेलायत ।

नोट: यो नीति सन् २०२६ डिसेम्बर ३१ सम्मका लागि लागू हुनेछ।

१२

प्रश्न १२: 'एआई इम्प्याक्ट समिट २०२६' (AI Impact Summit-2026) कहिले र कहाँ सुरु भएको छ?

उत्तर: सन् २०२६ फेब्रुअरी १६, नयाँ दिल्ली (भारत) ।

१३

प्रश्न १३: 'अन्तर्राष्ट्रिय मातृभाषा दिवस' (International Mother Language Day) कहिले मनाइन्छ?

उत्तर: फेब्रुअरी २१ ।

नोट: युनेस्कोले सन् १९९९ मा यो दिवस मनाउने घोषणा गरेको थियो र सन् २००० देखि विश्वभर मनाउन थालिएको हो।

१४

प्रश्न १४: विश्वको सबैभन्दा लामो धार्मिक पदयात्रा मानिने 'मिथिला मध्यम परिक्रमा' वि.सं. २०८२ मा कहिले र कहाँबाट सुरु भएको छ?

उत्तर: २०८२ फागुन ४ गते, जानकी मन्दिर (जनकपुरधाम) ।

१५

प्रश्न १५: हालैको तथ्याङ्क अनुसार नेपालको कुन प्रदेशमा बालविवाहको दर सबैभन्दा उच्च रहेको छ?

उत्तर: मधेश प्रदेश ।

नोट: एक अध्ययन अनुसार मधेश प्रदेशमा अझै पनि ३५ प्रतिशतभन्दा बढी विवाह १८ वर्ष नपुग्दै हुने गरेका छन्।

१६

प्रश्न १६: सन् २०२७ को अफ्रिका कप अफ नेसन्स (AFCON) कुन–कुन देशले संयुक्त रूपमा आयोजना गर्दैछन्?

उत्तर: केन्या, तान्जानिया र युगान्डा ।

नोट: यो प्रतियोगिता सन् २०२७ जुन १९ देखि जुलाई १८ सम्म सञ्चालन हुनेछ।

१७

प्रश्न १७: १९ भिक्षुहरूको समूहले अमेरिकामा ३,२०० किलोमिटर लामो 'शान्ति पदयात्रा' (Walk for Peace) कहिले पूरा गरे?

उत्तर: २०२६ जनवरी १० ।

नोट:

• यात्रा २०२५ अक्टोबर २६ मा टेक्ससबाट सुरु भएर २०२६ जनवरी १० मा वाशिङ्टन डीसीमा समापन भएको थियो।
• पदयात्रा अवधि १०८ दिन (चार महिना) रहेको थियो।
• मुख्य सन्देश शान्ति, दया तथा करुणा फैलाउने रहेको थियो।
• पदयात्रामा भिक्षुहरूसँगै एउटा कुकुरले पनि सहभागिता जनाएको थियो।

१८

प्रश्न १८: गायन रियालिटी शो ‘भ्वाइस अफ नेपाल’ को उपाधि जित्ने पहिलो महिला को हुन्?

उत्तर: नीताकुमारी थापा मगर (सिजन ७) ।

१९

प्रश्न १९: मुस्ताङको ज्यान्ग्लातुनपु र केक्याप री हिमालहरूमा पहिलोपटक शिशिरकालीन (Winter) र बिना सहायक अक्सिजन सफल आरोहण कहिले भएको हो?

उत्तर: २०८१ माघ २६ (सन् २०२५ फेब्रुअरी १०) ।

२०

प्रश्न २०: दोस्रो राष्ट्रिय महिला तथा पुरुष हक्की प्रतियोगिता कहिलेदेखि सुरु भएको छ?

उत्तर: २०८२ फागुन ४ गते ।

नोट:

• स्थान: दशरथ रंगशाला, त्रिपुरेश्वर, काठमाडौं।
• अवधि: २०८२ फागुन ४ देखि ११ सम्म।
• सहभागी: पुरुष ६ टिम र महिला ५ टिम।
• पुरस्कार: विजेता ७५ हजार, दोस्रो ५० हजार र तेस्रो २५ हजार।
• आयोजक: नेपाल हक्की संघ।

२१

प्रश्न २१: टी-२० विश्वकपको इतिहासमा पहिलो पटक एउटै खेलमा ६ जना स्पिनर प्रयोग गरी कीर्तिमान कायम गर्ने देश कुन हो?

उत्तर: पाकिस्तान ।

२२

प्रश्न २२: सन् २०२६ को टी-२० विश्वकपमा पहिलो शतक प्रहार गर्ने खेलाडी को हुन्?

उत्तर: पथुम निसान्का (Pathum Nissanka) ।

नोट: उनले ५२ बलमा अविजित १०० रन बनाएका थिए।

२३

प्रश्न २३: सातौँ झापा गोल्डकप फुटबल प्रतियोगिताको उपाधि कुन क्लबले जितेको छ?

उत्तर: मछिन्द्र फुटबल क्लब ।

२४

प्रश्न २४: 'सूर्य नेपाल काठमाडौं गल्फ टुर २०२५–२६ ओपन' को उपाधि कसले जितेका छन्?

उत्तर: भुवन नगरकोटी ।

नोट: यो उनको करियरको १३औँ उपाधि हो र उनले १ लाख ५० हजार पुरस्कार प्राप्त गरे।

२५

प्रश्न २५: नेपाल कबड्डी लिगको दोस्रो संस्करण कहिले देखि सुरु हुने घोषणा गरिएको छ?

उत्तर: वि.सं. २०८२ जेठ २२ गतेदेखि ।

नोट: प्रतियोगितामा कुल ६ वटा टोलीहरूको सहभागिता रहनेछ।

२६

प्रश्न २६: जलवायु परिवर्तनका कारण कुन कच्चा पदार्थको उत्पादन घट्दा विश्वबजारमा चकलेटको मूल्य वृद्धि भएको छ?

उत्तर: कोको (Cocoa) ।

२७

प्रश्न २७: चक्रवात 'गेजानी' (Cyclone Gezani) बाट सबैभन्दा बढी प्रभावित भएका अफ्रिकी मुलुकहरू कुन-कुन हुन्?

उत्तर: मेडागास्कर र मोजाम्बिक ।

२८

प्रश्न २८: हालै कुन देशको विद्रोही समूह 'M23' ले बुकाभु सहरमा कब्जा जमाएको छ?

उत्तर: प्रजातान्त्रिक गणतन्त्र कङ्गो (DR Congo) ।

२९

प्रश्न २९: हालै कुन देशले वन डढेलोका कारण 'रियाउ' (Riau) प्रान्तमा संकटकाल घोषणा गरेको छ?

उत्तर: इन्डोनेसिया ।

३०

प्रश्न ३०: जर्जियाको तिब्लिसीमा सम्पन्न आठौँ संस्करणको 'वर्ल्ड राइजिङ स्टार' मा ७ देखि १० वर्ष उमेर समूहको डान्सिङ विधामा शीर्ष उपाधि जित्ने नेपाली को हुन्?

उत्तर: समृद्धि शाह ।