लोकसेवा तयारी: प्रतिनिधि सभा निर्वाचन २०८२ सहित २५+ महत्वपूर्ण समसामयिक सामान्य ज्ञान

लोकसेवा आयोग तथा अन्य प्रतिस्पर्धात्मक परीक्षाहरूका लागि महत्त्वपूर्ण समसामयिक सामान्य ज्ञान

१

नेपालमा प्रतिनिधि सभा सदस्यको आगामी निर्वाचन कहिले हुने भएको छ?

उत्तर: २०८२ फागुन २१ गते, बिहीबार (सन् २०२६ मार्च ५)

(Note:

• मतदाता संख्या १ करोड ८९ लाख ३ हजार ६८९ पुगेको छ, जुन अघिल्लो चुनावभन्दा ९ लाख १५ हजार ११९ (५.०९%) ले बढी हो।
• प्रत्यक्षतर्फ: ३,४०६ उम्मेदवार (पुरुष: ३,०१७, महिला: ३८८ र अन्य: १ जना), समानुपातिकतर्फ: ३,१३५ उम्मेदवार (महिला १,७७२) र स्वतन्त्र उम्मेदवार: १,१४३ रहेका छन्।
• मतदान स्थल १०,९६७ र मतदान केन्द्र २३,११२ रहेका छन्, जसमध्ये ४,४४२ संवेदनशील र ३,६८० अति संवेदनशील स्थलका रूपमा वर्गीकृत छन्।
• निर्वाचनका लागि १३७ दल दर्ता भए पनि ५७ दल समानुपातिक र ६६ दल प्रत्यक्षतर्फ सहभागी छन्।)

२

ट्रान्सपरेन्सी इन्टरनेसनलले सार्वजनिक गरेको भ्रष्टाचार अवधारणा सूचकाङ्क (CPI) २०२५ मा नेपाल कतिऔँ स्थानमा रहेको छ?

उत्तर: १०९औँ स्थानमा (अङ्क: ३४/१००)

३

भ्रष्टाचार अवधारणा सूचकाङ्क (CPI) २०२५ अनुसार विश्वकै सबैभन्दा कम भ्रष्टाचार हुने मुलुक कुन हो?

उत्तर: डेनमार्क (८९ अङ्कका साथ पहिलो स्थानमा)

४

आर्थिक वर्ष २०८२/८३ को बजेटको मध्यावधि समीक्षापछि संशोधित बजेट कति कायम गरिएको छ?

उत्तर: संशोधित: १६ खर्ब ८८ अर्ब ३२ करोड ६७ लाख रुपैयाँ

(Note: सुरुको कुल बजेट: १९ खर्ब ६४ अर्ब ११ करोड रुपैयाँ थियो।)

५

खानी तथा भूगर्भ विभाग र चिनियाँ टोलीको अध्ययन अनुसार दैलेखको जलजलेमा कति परिमाणमा प्राकृतिक ग्यासको भण्डार रहेको पुष्टि भएको छ?

उत्तर: करिब ८०.७० अर्ब क्युबिक मिटर

६

चीनले नेपालका लागि २३औँ राजदूतका रूपमा कसलाई नियुक्त गरेको छ?

उत्तर: झाङ माओमिङ

७

'चलचित्र विधेयक २०८१' राष्ट्रिय सभाबाट कहिले पारित भएको हो?

उत्तर: २०८२ माघ २८ गते

(Note: यो विधेयक २०८२ वैशाख १४ गते दर्ता भएको थियो।)

८

नेपालको पहिलो एआई-संचालित (AI-powered) एकीकृत डिजिटल इकोसिस्टमको नाम के हो?

उत्तर: ग्लोबल डायरी (Global Diary)

९

नेपालको पहिलो 'अप्सिडल' (Apsidal) बौद्ध मन्दिर कहाँ पत्ता लागेको छ?

उत्तर: कपिलवस्तु जिल्लाको तिलौराकोट

१०

नेपाल पर्यटन बोर्ड र चलचित्र विकास बोर्डबीच नेपाललाई अन्तर्राष्ट्रिय फिल्म छायांकन गन्तव्य बनाउने समझदारी पत्र (MOU) मा कहिले हस्ताक्षर भयो?

उत्तर: २०८२ माघ २८ गते

११

बंगलादेशमा सन् २०२६ फेब्रुअरी १२ मा सम्पन्न संसदीय निर्वाचनमा कुन दलले बहुमत प्राप्त गरेको छ?

उत्तर: बंगलादेश नेसनालिस्ट पार्टी (BNP), २०९ सिट

(Note: बीएनपी अध्यक्ष तारिक रहमान प्रधानमन्त्री बन्ने तयारीमा छन्।)

१२

बंगलादेशमा सन् २०२४ मा भएको विद्यार्थी आन्दोलनका कारण तत्कालीन प्रधानमन्त्री शेख हसिनाले कहिले देश छोडेर भारत पलायन भएकी थिइन्?

उत्तर: सन् २०२४ अगस्ट ५

(Note: संयुक्त राष्ट्रसंघको प्रतिवेदन अनुसार उक्त आन्दोलनका क्रममा १,४०० भन्दा बढी व्यक्तिको मृत्यु भएको पुष्टि भएको छ।)

१३

सन् २०२६ को आईसीसी पुरुष टी-२० विश्वकपका लागि नेपालको तर्फबाट डेब्यु खेलको पहिलो बलमै विकेट लिने दोस्रो नेपाली खेलाडी को हुन्?

उत्तर: शेर मल्ल

(Note:

• उनी पूर्व कप्तान पारस खड्का पछि यो उपलब्धि हासिल गर्ने दोस्रो खेलाडी हुन्।
• उनले इङ्गल्याण्डका ओपनर फिल साल्टलाई सन्दीप लामिछानेको हातबाट क्याच आउट गराएर पहिलो विकेट लिएका थिए।

)

१४

टी-२० विश्वकप २०२६ को ब्रान्ड एम्बेसडरका रूपमा कसलाई नियुक्त गरिएको छ?

उत्तर: रोहित शर्मा

१५

टी-२० अन्तर्राष्ट्रिय (T-20I) क्रिकेटमा सबैभन्दा कम बलमा ५००० रन बनाउने विश्व कीर्तिमान कसको नाममा छ?

उत्तर: फिन एलेन (२८५४ बल)

१६

एन्फाद्वारा आयोजित पहिलो मोफसल केन्द्रित 'रेडबुल एनएफए महिला फुटबल च्याम्पियनसिप २०८२' (एन्फा महिला फुटबल च्याम्पियनसिप २०८२) कहिले र कहाँ भएको हो?

उत्तर: २०८२ फाल्गुन १ बाट, गाईघाट, उदयपुर

(Note:

• यसमा १० टिमको सहभागिता र विजेताले ७ लाख ५० हजार रुपैयाँ नगद पुरस्कार पाउने

)

१७

विश्व स्वास्थ्य संगठन (WHO) को तथ्याङ्क अनुसार हाल विश्वमा कति वयस्क मधुमेह रोगबाट प्रभावित छन्?

उत्तर: ५३ करोड ७० लाख

(Note:

• यस अनुसार प्रत्येक ९ जना वयस्कमध्ये १ जना मधुमेहबाट प्रभावित छन्।
• सन् २०५० सम्म यो संख्या ८५ करोड ३० लाख पुग्ने अनुमान गरिएको छ।

)

१८

विश्वको सबैभन्दा बढी भ्रमण गरिएको र गिनिज वर्ल्ड रेकर्ड कायम गरेको कला ग्यालरी कुन हो?

उत्तर: लुभ्र म्युजियम (Musée du Louvre), पेरिस, फ्रान्स

१९

प्रसिद्ध 'मोना लिसा' चित्र सन् १९११ अगस्ट २१ मा कसले चोरी गरेका थिए?

उत्तर: भिन्चेन्जो पेरुगिया (इटाली)

(Note: उक्त चित्र चोरी भएको दुई वर्षपछि फिर्ता भएको थियो।)

२०

हालै नेपालका केही जिल्लाहरूमा सुँगुर र बङ्गुरहरूमा फैलिएको सङ्क्रामक भाइरस कुन हो?

उत्तर: अफ्रिकन स्वाइन फिभर (African Swine Fever)

२१

सन् २०२६ को 'अमेरिकन हार्ट एसोसिएसन पोस्टडक्टोरल फेलोसिप' प्रतिष्ठित अवार्ड कसलाई प्रदान गरिएको छ?

उत्तर: लक्ष्मण पौडेल (रुपन्देही)

(Note: यसको राशि दुई वर्षका लागि २.२६ करोड नेपाली रुपैयाँ बराबर रहेको छ।)

२२

विश्वको सबैभन्दा ठूलो विमानवाहक युद्धपोत कुन हो?

उत्तर: यूएसएस जेराल्ड आर फोर्ड (USS Gerald R. Ford - CVN-78)

२३

'एम-२३' (M-23) विद्रोही समूह कुन देशको सशस्त्र द्वन्द्वसँग सम्बन्धित छ?

उत्तर: प्रजातान्त्रिक गणतन्त्र कंगो (DR Congo)

२४

भारत र अमेरिकाबीच हालै कुन महत्त्वपूर्ण आर्थिक सम्झौता सम्पन्न भएको छ?

उत्तर: अन्तरिम व्यापार सम्झौता (Interim Trade Deal)