समसामयिक सामान्य ज्ञान (प्रश्नोत्तर सङ्गालो)

समसामयिक सामान्य ज्ञान (Current Affairs GK) – २५ प्रश्नोत्तर

१

नेपाल सरकारले चालु आर्थिक वर्षको बजेटको आकार अर्धवार्षिक समीक्षामार्फत कति प्रतिशतले घटाएको छ?

उत्तर: १४.०४ प्रतिशत।

२

'पर्यटन विधेयक, २०८१' राष्ट्रिय सभाको बैठकले कहिले पारित गरेको हो?

उत्तर: वि.सं. २०८२ माघ २६ गते।

३

नेपालका कति प्रतिशत घरपरिवारमा विद्युत् सेवाको पहुँच पुगेको छ?

उत्तर: ९६.७ प्रतिशत।

४

राष्ट्रिय तथ्यांक कार्यालयको चौथो 'नेपाल बहुसूचक सर्वेक्षण २०८१/८२' अनुसार १५ देखि ४९ वर्ष उमेर समूहका कति प्रतिशत पुरुषसँग आफ्नै मोबाइल फोन रहेको छ?

उत्तर: ९०.४ प्रतिशत।

५

नेपालमा सडक दुर्घटनाका कारण दैनिक औसत कति जनाको ज्यान जाने गरेको छ?

उत्तर: ७ जना।

(नोट: आ.व. २०८१/८२ को एक वर्षमा २,५०२ जनाले ज्यान गुमाएका थिए।)

६

फागुन २१ गते हुने प्रतिनिधिसभाको निर्वाचनमा प्रतिस्पर्धामा रहेका उम्मेदवारहरूमध्ये महिला उम्मेदवारको हिस्सा कति प्रतिशत रहेको छ?

उत्तर: ११.३९ प्रतिशत।

(नोट: ८८.६१% पुरुष)

७

अन्तर्राष्ट्रिय क्रिकेट प्रतिस्पर्धामा नेपाल र इङ्ग्ल्यान्ड बीच पहिलो पटक ऐतिहासिक भिडन्त कहिले भएको हो?

उत्तर: वि.सं. २०८२ माघ २५ (सन् २०२५ फेब्रुअरी ८)।

८

सन् २०२६ को टी-२० विश्वकप क्रिकेटमा नेपाल कुन टेस्ट राष्ट्रसँग मात्र ४ रनले पराजित भई ऐतिहासिक प्रतिस्पर्धा गर्न सफल भयो?

उत्तर: इङ्ग्ल्यान्ड।

(नोट: १८४ को लक्ष्यमा १८० रन मात्र)

९

टी-२० अन्तर्राष्ट्रिय (T20I) क्रिकेटमा २,००० रन पूरा गर्ने पहिलो नेपाली खेलाडी को हुन्?

उत्तर: दीपेन्द्र सिंह ऐरी।

१०

टी-२० विश्वकप (T20 World Cup) मा नेपालको तर्फबाट सबैभन्दा धेरै खेलमा कप्तानी गर्ने खेलाडी को हुन्?

उत्तर: रोहित पौडेल।

११

नेपाली महिला क्रिकेट खेलाडी पूजा महतोले कुन प्रतियोगिता मार्फत सिनियर राष्ट्रिय टोलीमा पहिलो पटक कप्तानी गर्दैछन्?

उत्तर: एसीसी राइजिङ स्टार्स एसिया कप २०२६

(नोट: सन् २०२६ फेब्रुअरी १३ मा हुने नेपाल विरुद्ध पाकिस्तान 'ए' को खेलमार्फत)

१२

पोखरामा सम्पन्न १९ वर्षमुनिको (U-19) साफ महिला च्याम्पियनसिप फुटबल प्रतियोगिताको उपाधि कुन देशले जित्यो?

उत्तर: भारत।

१३

वरिष्ठ अभिनेता सुनिल थापाको निधन कहिले भएको हो?

उत्तर: वि.सं. २०८२ माघ २४ गते।

(नोट: निधनको कारण हृदयघात।)

१४

क्यान्सर विरुद्ध सचेतना फैलाउने उद्देश्यले आयोजना गरिएको 'राइड फर लाइफ २०२६' कहिले सम्पन्न भयो?

उत्तर:वि.सं. २०८२ माघ २४ गते।

१५

जाईका अलमनाई एसोसिएसन फोरम अफ सार्क कन्ट्रिज (JAFS) को सचिवालय सन् २०१७ देखि कहाँ रहेको छ?

उत्तर: काठमाडौं।

(नोट: जाफ्सको स्थापना सन् २००८ मा भएको हो।)

१६

नेपालको पहिलो 'निःशुल्क वाइफाई (Wi-Fi)' घोषित भएको जिल्ला कुन हो?

उत्तर: म्याग्दी।

१७

जिल्ला प्रशासन कार्यालय गुल्मीले पहिलो पटक अंगीकृत नागरिकता कहिले जारी गरेको हो?

उत्तर: वि.सं. २०८२ माघ २८ गते।

१८

छैटौं एशियन बिच गेम्स (6th Asian Beach Games) कहिले र कहाँ आयोजना हुँदैछ?

उत्तर: सन् २०२६ अप्रिल २२ देखि ३० सम्म, सान्या सहर, हाइनान प्रान्त, चीन।

(नोट: यस खेलकुदको मस्कटको नाम 'या या (Ya Ya)' राखिएको छ।)

१९

एशियन बिच गेम्सको पहिलो संस्करण कहिले र कहाँ आयोजना भएको थियो?

उत्तर: सन् २००८ मा बाली, इन्डोनेसिया।

२०

एसीसी राइजिङ स्टार्स एसिया कप २०२६ (ACC Rising Stars Asia Cup 2026) कहिले र कहाँ आयोजना हुँदैछ?

उत्तर: सन् २०२६ फेब्रुअरी १३ देखि २२ सम्म, बैंकक, थाइल्याण्ड।

२१

पुरुष टी-२० विश्वकपको इतिहासमा हालसम्मकै उच्च साझेदारी (Highest Partnership) को कीर्तिमान कुन खेलाडीहरूको नाममा रहेको छ?

उत्तर: टिम सेफर्ट र फिन एलेन (न्यूजील्याण्ड)।

(नोट: उनीहरूले संयुक्त अरब इमिरेट्स (UAE) विरुद्ध अविजित १७५ रनको साझेदारी गरेका थिए।)

२२

पाकिस्तानले आइसिसी टी-२० विश्वकप २०२६ अन्तर्गत भारत विरुद्धको खेल बहिष्कार गर्ने आफ्नो निर्णय कहिले फिर्ता लियो?

उत्तर: १० फेब्रुअरी २०२६

२३

बंगलादेशमा राजनीतिक परिवर्तन पछिको पहिलो आम निर्वाचन कहिले हुने तय भएको छ?

उत्तर: सन् २०२६ फेब्रुअरी १२

२४

इरानको एक अदालतले नोबेल शान्ति पुरस्कार विजेता नर्गेस मोहम्मदीलाई कति वर्षको जेल सजाय सुनाएको छ?

उत्तर: छ वर्ष

२५

हालै म्याडागास्करमा आएको विनाशकारी चक्रवातलाई कुन नाम दिइएको छ?

उत्तर: चक्रवात 'गेजानी' (Cyclone Gazani)।