विश्व भोकमरी र पोषण सम्बन्धी तथ्य र तथ्याङ्कहरू

➤ विश्वको कुल जनसङ्ख्याको ८.२ प्रतिशत अर्थात् करिब ६७ करोड ३० लाख मानिसहरू दीर्घकालीन भोकको चपेटामा बाँचिरहेका छन्।

➤ विश्वभर करिब २.३ अर्ब मानिसहरूले मध्यम वा गम्भीर प्रकारको खाद्य असुरक्षाको सामना गरिरहेका छन्।

➤ अफ्रिका: यहाँ प्रत्येक ५ मध्ये १ जनाले भोकको समस्या भोगिरहेका छन्। जुन क्षेत्रीय हिसाबले विश्वकै सबैभन्दा उच्च दर हो।

➤ विश्वव्यापी रूपमा, ६ देखि २३ महिनाका करिब एक-तिहाइ बालबालिका र १५ देखि ४९ वर्षका दुई-तिहाइ महिलाहरूले मात्र न्यूनतम सन्तुलित आहार (Dietary Diversity) प्राप्त गरेका छन्।

➤ विश्वभर ५ वर्ष मुनिका १५ करोड २ लाख बालबालिकाहरू पुड्कोपन (Stunting) बाट प्रभावित छन्। पुड्कोपन भन्नाले उमेर अनुसार उचाइ कम हुनु हो, जसले गर्दा बालबालिकाको शारीरिक र मानसिक विकासमा गम्भीर र कहिल्यै निको नहुने क्षति पुग्छ।

➤ यसैगरी, ५ वर्षमुनिका ४ करोड २८ लाख बालबालिका ख्याउटेपन (Wasting) बाट पीडित छन्, जसमध्ये १ करोड २२ लाखमा गम्भीर ख्याउटेपन छ। ख्याउटेपन भन्नाले पछिल्लो समयमा अचानक तौल घट्नु वा उचाइ अनुसार तौल बढ्न नसक्नुलाई बुझिन्छ।

➤ खाद्य वस्तुको चर्को मूल्यवृद्धिले विशेष गरी न्यून आय भएका देशहरूमा खाद्य सुरक्षाको अवस्थालाई अझ खराब बनाउन सक्छ। खाद्य मूल्यमा हुने १० प्रतिशतको वृद्धिले मध्यम वा गम्भीर खाद्य असुरक्षामा ३.५ प्रतिशत र गम्भीर खाद्य असुरक्षामा १.८ प्रतिशतले वृद्धि ल्याउने देखिन्छ।

➤ यदि वर्तमान अवस्था र प्रवृत्ति कायमै रहेमा, सन् २०३० सम्ममा करिब ५१ करोड २० लाख मानिसहरू दीर्घकालीन रूपमा कुपोषित रहने सम्भावना छ। तीमध्ये झण्डै ६० प्रतिशत मानिसहरू अफ्रिकाका हुनेछन्।